MO-011

Karamihan sa atin ay nakakapag-isip lamang na gumawa ng paraan para umasenso kung kailan ito ay huli na.

Minsan ang pagkakataon para umasenso ay nasa iyong mga kamay na, ngunit ito ay binabalewala at hindi mo binibigyang pansin. At kapag dumating ang panahon na kailangan mo na, saka ka lang manghihinayang dahil ito ay lumagpas na.

Bakit hindi mo simulan habang ikaw ay bata pa?
Bakit hindi mo simulan habang ikaw ay malakas pa?
Kung mabigyan ka ng magandang pagkakataon, bakit hindi mo pag-aralan at subukan?

Dahil kung takot kang sumubok, takot ka ring umasenso.

Tandaan, ang oras mo ay nauubos din, at minsan lang talagang dumadating ang magandang pagkakataon.

Kaya isip-isip ka din at bigyan mo ng Time ang iyong pag-asenso.

- Mang Omboy -

MO-010

     Karamihan sa mga Pilipino ay may maling pananaw pagdating sa yaman ng isang tao. Madalas itong binibigyan ng maling imahe, kapag mayaman o yumaman ang isang tao, sasabihin ng iba na nagbago na ang ugali, mayabang, mapag-mataas, maramot, hindi marunong makisama, at kung ano-ano pa. 
     
     Gaya ng sabi nila, "Mas importante ang kabutihan ng loob kaysa sa pera. Dahil ang pera hindi mo madadala kapag pumanaw ka na. Pero ang kabutihan mo ay mananatili sa Puso ng mga kakilala mo."

     Tama naman ang pananaw na ito, mas importante ang kabutihan ng loob. Pero hindi dapat ito ang magdiin na ang pera ay hindi importante. 
     Pareho silang mahalaga sa panahon ngayon. Kailangan mo ng pera sa halos lahat ng kailangan mo upang ikaw ay mabuhay. Hindi ko sinasabing maging materyalistic tayo, pero dapat nangingibabaw pa rin ang Kabutihan ng loob.

      Gaya nga ng sabi ko, "Napakahalaga na may mabuti kang kalooban, kaya dapat mong isipin na sa iyong pagpanaw ay may maiwan ka ring yaman para sa iyong pamilya, na ikaw ay namatay na nagtagumpay sa buhay kaysa sa kahirapan ang ipapa-mana mo sa iyong mga iniwan."

     Totoo na hindi mo madadala ang yaman mo kapag ikaw ay pumanaw na... dahil ito ay iyong ipapamana sa iyong pamilya. Mas magiging masaya ka sa iyong pagpanaw kung naka-ayos na ang kanilang kinabukasan. Mas magiging masaya ang iyong mga iniwan dahil nabigyan mo sila ng magandan kinabukasan.

     Totoo na mananatili ang kabutihan mo sa mga kakilala mo... pero di ba't mas marami kang posibleng matulungan kung ikaw ay may yaman? Dahil kung likas na mabuti ang kalooban mo at ikaw ay may taglay na yaman, mas marami kang mabibigyan ng "kabutihan."

- Mang Omboy -      


PS: Mag-comment ka sa baba kung ano ang iyong palagay tungkol dito.       

     

MO-009

Tinanong ko ito sa iba't ibang FB groups at sari-saring comments ang aking nakuha sa mga ito. Ang ilan sa mga sagot nila ay:

• Kapag tapos na sa pag-aaral ang mga anak.
• Kapag nabayaran na ang lahat ng mga utang.
• Kapag hindi na kayang mag-work. Kasi kailangan mag-work para mabuhay.
• Kapag patay na.

Tama lahat ng kanilang mga sagot, kailangan nating mag-trabaho o mangamuhan o maging empleyado para magkaroon ng income. 

Upang magkaroon ng pang-gastos sa bahay, sa pag-aaral, at sa mga pang araw-araw na pangangailangan natin.

Pagsisikapan natin na mapatapos ang mga anak sa pag-aaral.

At ang pinaka-malungkot sa mga sagot nila ay, "kapag patay na."

Ngunit ano nga ba talaga yung tanong ko? 

     Magtrabaho o Maghanapbuhay ?

Para sa akin, magkaiba ang dalawang salita na 'yan:

• Magtrabaho - ay naka-sentro dito ang pagiging empleyado o mangangamuhan at kapalit nito ang sweldo na buwanan o kinsenas nating natatanggap. Fixed salary.

• Maghanapbuhay - nasasakop din nito ang pagiging empleyado, ngunit may isa pang paraan para kumita. Ito ay ang pagkilos mo o paggawa ng paraan para magkaroon ka ng source of income na hindi mo na kailangan pang maging empleyado. Ito ay ang pag-nenegosyo. 

Maaaring ang iba sa inyo nagre-react ng ganito:

• Negosyo? e paano kung walang puhunan? e di babalik ka din sa pagiging empleyado?
• Pakikipag-sapalaran ang pag-nenegosyo. Nakakatakot baka malugi.
• Kapag hindi ka marunong sa negosyo, e wag mo na ito papasukin.
• Sa negosyo, kapag di ka kumayod, wala kang kita. Kapag di ka nagtinda, wala kang benta.

Tama naman kayo. Pero heto ang mga sagot ko:

• Kung wala kang puhunan, ok lang na magtrabaho ka muna. Pero dapat pag-ipunan mo ang puhunan mo para sa naiisip mong negosyo.
• Huwag matakot sa pag-nenegosyo. Matinding pagpa-plano at pag-aaral ang dapat mong gawin bago ka magsimula para maiwsan ang pagkalugi.
• Totoo na kapag di ka kumayod ay wala ka rin kita. Kung wala kang ginagawa, wala ka ring resulta.

Paano kung sabihin ko sa inyo na may mga negosyo ngayon na pwede kang kumita ng malaki:

• kahit maliit lang ang puhunan.
• kahit ikaw ay natutulog.
• kahit nasa bahay ka lang.

Oooops, teka, baka sabihin niyo... "networking na naman yan, MLM lang yan, pyramiding scam lang yan, investment kunwari, baka takbuhan lang tayo nyan..."

Hindi kita masisisi kung yan ang iisipin mo. 

Ang goal ko lang naman ay matulungan ka kung gusto mo ng mag-negosyo.

Kung pagod ka na sa pagiging empleyado.

Na papasok ka araw-araw sa maliit na sweldo.

Makikipag-siksikan sa Edsa, sa MRT at sa bus.

Pumapasok sa trabaho kahit bumabagyo.

Na mas mahaba pa ang oras mo sa trabaho kesa sa oras na kasama mo ang pamilya mo.

Paulit-ulit mo itong ginagawa hanggang sa tumanda ka na.

Gusto mo ba ang ganito buhay?

Puwes kung interesado ka sa Opportunity na ito, mag-comment ka lang sa baba.

So, kailan ka gagawa ng aksyon para mapabuti ang iyong buhay?

- Mang Omboy - 

MO-008

"If You Do What You Always Do

You Will Get What You Always Get"

     Aminin natin sa ating sarili na gusto natin ng pagbabago sa buhay: 

• Bagong damit,
• Bagong trabaho,
• Bagong kagamitan,
• Bagong bahay at kotse,
• Pagbabago sa ugali,
• Pagbabago sa paniniwala,
• Pagbabago sa pananaw sa buhay,
• Pagbabago sa sarili, atbp.

     Kahit ano pa itong gusto nating mabago sa ating buhay, materyal man o pinansyal o sa ating sarili, kailangan nating kumilos para mabago ito. 

     

     Dahil kung mananatili ka sa naka-gawian mong style sa buhay, hinding-hindi mo makakamit ang gusto mong pagbabago. Mananatili kang nakapako sa kinatatayuan mo ngayon, kahit nasa isip mong gusto mo ng magbago pero wala ka naman ginagawa.

     Ang pagbabago ay magsisimula sa iyong sarili, hindi gagawin ng ibang tao para sa'yo. Kaya ang tanong ko sa'yo, Kailan ka magbabago?

- Mang Omboy - 

PS: Nais kong marinig ang iyong opinyon tungkol dito, leave your comment below. Thanks.

MO-007

Sa Bawat Pagsubok o Problema

May Mga Nakahandang

Solusyon Para Dito

Kaya Magpakatatag ka,

"Manalig Sa Diyos"

At Huwag Mawalan Ng Pag-asa

Umayos Ka At Huwag Mag-Inarte Na

Parang Katapusan Mo Na!

     Kadalasan ay puro pagsubok ang ating hinaharap sa buhay. Na madalas ay nararating natin ang pinakasukdulan ng ating pasensya, na parang wala ng solusyon para sa ating problema.

     Tandaan mo na sa bawat problema ay may solusyon, kailangan mo lang hanapin ito at isiping mabuti kung ano ang nararapat para dito. Dahil kung padalos-dalos ka sa iyong desisyon, maaring mali ang maging solusyon sa iyong problema. Imbes na sa ikabubuti ang resulta, ay baka ikaka-pahamak mo pa ito.

     Kaya bago ka gumawa ng hakbang para solusyonan ito, magdasal ka at humingi ng gabay sa Diyos, ayusin mo ang iyong sarili, at saka mo simulang isipin ang tamang solusyon sa iyong problema.

- Mang Omboy - 


PS: Don't forget to leave a comment below kung ano masasabi mo sa article na ito. Thanks in advance.

MO-006

Kung Masaya Ka Ngayon

E Di ... Wow

MO-005

     "Pagtuunan Mo Ng Pansin 

Ang Mga Bagay Na Hindi Mo 

Pa Nagagawa Sa Buhay Mo, 

Hindi Yung Buhay Ng Iba 

Ang Pinapansin Mo"

     Marami sa mga Pinoy ang mahilig sa tsismis, mahilig pakialaman ang buhay ng ibang tao, mahilig makibalita sa buhay ng may buhay, yun bang akala mo'y sinusubaybayan na teleserye. 

     Kapag may bagong gamit ang kapitbahay o kakilala, kung ano ano ng kwento ang maiisip kung paano sila nagkaroon ng ganon. Kapag may nakita sa Facebook status ng isang friend, u-usisain nila ito at pag-uusapan. 

     Pero ikaw, ang sarili mong buhay, nagawa mo na ba ang lahat para makuha mo ang gusto mo? Nakamit mo na ba ang mga pangarap mo? Naglaan ka ba ng oras para ikaw ay magtagumpay?

     O mas gusto mong nakikita ang ibang tao na sila ay nagtatagumpay at ikaw ay napag-iiwanan na? 

- Mang Omboy - 

PS: Mag-comment ka sa baba kung ano ang mas gusto mong gawin sa buhay mo. 

MO-004

"Kung Gusto Mo Ng Sumuko...

Isipin Mo Na Lang Ang Dahilan 

Kung Bakit Mo Ito Sinimulan"

     Sa takbo ng ating buhay, madalas tayong nakakaranas ng mga kabiguan. Karamihan sa atin ay madaling mapanghinaan ng loob, na akala mo'y gumuho na ang mundo. At sa bandang huli, ay susuko na lamang sa hamon ng buhay.

     Ngunit sadyang ganyan ang buhay, minsan nadadapa, pero bumabangon pa rin tayo at magsisimula muli. Ganyan ang mga Pinoy, laging palaban at hindi basta basta susuko. 

     Kaya sa tuwing ikaw ay mabigo sa iyong misyon sa buhay, huwag kang susuko, isipin mo ang dahilan kung bakit mo ito ginagawa at kung bakit mo ito sinimulan.

- Mang Omboy -

MO-003

"What You Think, You Create

What You Feel, You Attract

What You Imagine, You Become"

Ano ang ibig sabihin nito?

Ito ay hango sa "Law Of Attraction, The Secret Behind The Secret" na kung saan sinasabi dito na tayo rin mismo ang gumagawa sa ating kapalaran. Naka-depende dito kung paano tayo mag-isip, ano ang ating pakiramdam, at kung ano ang iyong mga pangarap.

What You Think, You Create
     Kung ano ang lagi mong iniisip, yan din ang iyong gagawin. Dahil ang katawan natin ay susunod lamang sa kung ano man ang maisip mong gawin. 
     Halimbawa; Gusto mong mag-trabaho sa ibang bansa. Sa kakaisip mo sa gusto mo, darating ang panahon na ikaw mismo ang gagawa ng paraan para makapag-abroad. Ito ay dahil sa iyong kagustuhan. Pero kung lagi kang mag-aalangan na baka maloko ka lang sa abroad, 'yan ang darating sayo.

What You Feel, You Attract
     Kung ano ang madalas mong pakiramdam, yun ang lalapit sayo.
Halimbawa; Lagi kang nagmamadali sa umaga sa pagpasok sa trabaho para hindi ka ma-late, dahil ayaw mong mapagalitan ka ng boss mo. At dahil yan ang pakiramdam mo araw-araw na may takot ka sa boss mo, yan ang darating sayo. Mapapadalas kang male-late sa trabaho at madalas ka rin mapapagalitan ng boss mo.

What You Imagine, You Become
     Kung ano ang iyong madalas na ini-imagine, yun ay mapapasayo. Kapag nangarap ka na magka-kotse at lagi mo itong ini-imagine na ikaw ay nakasakay na sa kotse mo at nagmamaneho, hindi magtatagal na ang kotseng pangarap mo ay mapapasayo.


Parang imposible di ba? Parang hindi naman totoo ito?

     Well, ang Law Of Attraction ay masunurin. Kung positive ang nais mo, yun ang ibibigay nya sayo. Kung negative ang laman ng isip mo, yan ang lalapit sayo.

"Kaya Kung Ano Ka Ngayon,

Ay Dahil Sa Kung Ano Ang 

Ginawa Mo Noon"

- Mang Omboy - 


PS:
Kung gusto mong malaman kung ano yung "The Secret" - Law Of Attraction,
Panoorin mo dito: The Secret

MO-002

     Karamihan kasi sa atin, hanggang pangarap na lang. Ang dami nilang dahilan kung bakit hindi nila matupad ito.

May mga nagsasabing...

• mahirap itong abutin
• napakataas ng pangarap na hindi kayang tuparin
• para sa may pera lang ang mga mataas na pangarap
• para sa mga edukado lang ito
• walang karapatan ang mahihirap na mangarap
• atbp

Kaya ang tanong ko sayo:

- May pangarap ka ba talaga sa buhay?

- Para saan at para kanino ba ang mga ito?
- Ano-ano na ang mga bagay na ginawa mo para matupad mo ito?


     Dahil kung wala ka man lang ginawang paraan at 'di mo man lang ito sinimulang abutin, puwes... 
may mga taong gagawa ng paraan para mabigyan ka ng trabaho at para matupad ang Pangarap nila.


     Oo, pangarap nila, hindi ang sa iyo ang matutupad. Mananatili ka sa kalagayan mo na nagta-trabaho araw-araw pero lagi rin naman kinakapos.


Kaya ano ang dapat mong gawin?

     Kung kasalukuyan kang namamasukan o isang empleyado, gawin mo itong puhunan or stepping stone para magkaroon ng puhunan. Puhunan na pera at puhunan na talino. Mag-aral at matuto kahit na ikaw ay isang empleyado.

     Ng sa gayon ay unti-unti mong magagawa ang mga bagay tungo sa pagkamit ng iyong pangarap.

     Kung ikaw naman ay walang trabaho o negosyo, aba e di maghanap ka ng trabaho o pagkakakitaan na legal. 


Sabi ko nga...

"Para Saan Ang Pangarap Mo Kung

Mananatili Lamang Itong Isang Pangarap"

- Mang Omboy - 

MO-001

     Hindi masama ang mangarap, dahil ito ang nagbibigay sa atin ng inspirasyon para mapagbuti ang ating buhay. Marami sa atin ang nagsisikap upang sa gayon ay matupad ang mga ito.

     Likas din naman kasing matulungin ang mga Pinoy. Hanggat kaya tumulong sa mga kamag-anak o kaibigan, hindi tayo nagdadalawang isip na sila ay bigyan.

     Pero sa isang banda, marami din sa ating mga kababayan ang nananatiling nangangarap lang, o kadalasan ay wala man lang pangarap. Kaya ito ang nagiging sanhi na umasa na lamang sa kapamilya, kamag-anak o maging sa kaibigan para sila ay mabigyan ng ikabubuhay at matupad ang pansariling pangarap.

- Mang Omboy -